Ministri i Brendshëm, Taulant Balla ishte në një takim me Drejtorinë Vendore të Policisë në Elbasan.
Balla përgëzoi efektivët e policisë për rezultatet e deritanishme në kuadër të operacionit të koduar “Tempulli”.
Gjithashtu ai bëri thirrje për ruajtjen e perimetrit të sigurisë në shkolla.
Balla ka bërë thirrje për zbardhjen e ngjarjeve kriminale në të shkuarën, në mënyrë që të ketë kontrolle të shtuara ndaj makinave të dyshimta për mbajtje arme pa leje, e cila mund të jetë një burim i një vepre të rëndë kriminale.
Postimi:
Elbasan
Duhet tu dalim përpara ngjarjeve kriminale, duke rritur kontrollin dhe fuqinë tonë gjurmuese ndaj planeve dhe lëvizjeve të elementëve dhe grupeve kriminale. Pres nga Drejtoria e Elbasanit rezultate konkrete në zbulimin e autorëve të ngjarjeve të vjetra kriminale, arrestimin e personave në kërkim dhe pastrimin nga shpërndarësit e lëndëve narkotike dhe psikotrope. Kontrolloni kudo për të gjetur armët që mbahen pa leje dhe ata që i shmangen drejtësisë!
