Zëdhënësi i Presidentit, Tedi Blushi ka reaguar sërish në lisdhje me tubimin e mbërmshëm në Bulevadin “Dëshmorët e Kombit” duke e konsideruar pjesmarrjen masive ndërsa tregon edhe argumentet që sipas tij e kanë bërë të mundur diçka të tillë.
Blushi shkruan se shqiptarët prisnin reagimin e Prokurorisë për 4 shkeljet që ka bërë ministja e Drejtësisë, Etilda Gjonaj, ndërsa kjo e fundit thekson ai, shihet si pjesë të frontit të Ramaformës në konferencën e Prokurorisë duke qenë edhe krenare!
“Tallja me Reformën në Drejtësi dhe bërja e ligjeve puçiste anti-kushtetuese pati meritë të madhe për të mbledhur kaq shumë shqiptarë kundër grushtit të shtetit, ku Ministrja e Drejtësisë, siç është provuar nga shkresat zyrtare, akuzohet për 4 vepra penale. Ndërsa të gjithë prisnin që Prokuroria të vepronte ndaj saj, sot e shohin si pjesë të frontit të Ramaformës në konferencën e Prokurorisë duke qenë edhe krenare! Pandëshkueshmëria, Padrejtësia dhe Pafytyrësia kanë arritur majat! Herën tjetër do mblidhen shumë herë më shumë se dje, shqiptarë të ndershëm dhe me dinjitet, që s’mund të pranojnë këtë Kryemaskaradë! TURP! SHAME ON YOU!
#PërKushtetutën?? #PërRepublikën?? #PërShqipërinë?? #PërKombin??”, shkruan Blushi.
Ka nisur rreth orës 09:30 të mëngjesit të sotëm konferenca mbi “Sfidat e Prokurorisë së Përgjithshme në Dritën e Reformës në Drejtësi” në të cilën marrin pjesë Prokurori i Përgjithshëm, Olsian Çela, ambasadori i delegacionit të Bashkimit Europian Luigi Soreca, ambasadorja e Shteteve të Bashkuara të Amerikës Yuri Kim, dhe Bernd Borchardt ambasador i Prezencës së OSBE-së në Shqipëri.
Gjithashtu në takim janë të pranishëm edhe Ministrja e drejtësisë Etilda Gjonaj, , kreu i Këshillit të Lartë të Prokurorisë Gent Ibrahimi dhe drejtuesi i Prokurorisë së Posaçme kundër Korrupsionit dhe Krimit të Organizuar Arben Kraja (lexo lajmin)
(F.GJ/FAXWEB.AL)
Discussion about this post