Në orën 19:00, u mbyllën të gjitha qendrat e votimit në Republikën e Maqedonisë së Veriut në raundin e dytë të zgjedhjeve të gjashtë presidenciale. Pas mbylljes së qendrave të votimit mund të votojnë vetëm personat të cilët në atë moment gjenden në mjediset e qendrave të votimit.
Ndërkohë KZHZ-ja pak minuta më parë ka njoftuar se censusi është arritur dhe sot brenda mesnatës do të kemi presidentin e pestë të Maqedonisë. Sipas KSHZ-së , deri në orën 18:30 pjesmarrja e votuesve ishte 44.5 %, ndërsa për të arritur pjesmarrjen e nevojshme duhej te votonin të paktën 40 për qind të votuesve.
Gjithsej 1,808,131 qytetarë të regjistruar në listën e votuesve mund të votonin në 3,480 qendra votimi në Republikë dhe 32 jashtë vendit në gjashtë zgjedhjet presidenciale. Vendet e votimit u hapën në orën 7:00, percjellin mediat maqedonase.
Të dy kandidatët në garën presidenciale shpresojnë të fitojnë. Stevo Pendarovski dhe Gordana Sijanovska Davkova në mesditë ushtruan të drejtën e tyre të votimit, kur edhe u prononcuan rreth pritjeve të tyre.
Ndërkohë mësohet se kanë mbërritur dhe rezultatet e para nga faqja zyrtare e internetit të Komisioni Shtetëror Zgjedhor. Nga kutitë e para të hapura në nivel kombëtar, shihet qartë epërsia e kandidatit të mazhorancës, Stevo Pendarovski. KSHZ-ja pak minuta më parë njoftoi se censiusi është arritur me mbi 44.5 për qind deri në orën 18:30.
(F.GJ/FAXWEB.AL)
Discussion about this post