”President i zgjedhur në shkelje të procedurës ?! Dhe në konflikt të hapur interesi ?!”, kështu pyet Romeo Gurakuqi. Sipas tij në këto kushte, kur Ilir Meta është zgjedhur president duhen ngritur disa pyetje. Meta ndërkohë ka deklaruar sot se do të japë dorëheqjen si kryetar i LSI-së.
”A mund të ngrihen pyetjet: e mëposhtme:
- A mund të pranohet kandidatura për president pa dhënë dorëheqjen nga drejtimi i partisë politike dhe nga drejtimi i Parlamentit?!
- A jemi në shkelje të procedurës, që seancat e kryesisë që përcakton afatet, datat e procesit të votimit për zgjedhjen e Presidentit të Republikës të hapen dhe të mbyllen nga kandidati për president?! Po seanca e votimit nga kush do të drejtohet? Cilat janë kushtet e sigurisë në sallë? A mund të vendoset kutia e votimit poshtë kameras?
- A është e mundshme që pas zgjedhjes si President, të mbahet edhe më tutje posti i Speaker-it të Parlamentit?!
- A duhet të marrin pjesë në votim bashkëshortja e kandidatit për President? Ose a mund të ketë dy bashkëshorte MP në të njëjtën kohë?
- A duhet të fillohej procesi i votimit dhe a duhej të pranohej kandidatura, pa kryer procesin e verifikimit të ndryshimit të mbiemrit, nga Meta në Metaj, prej anës së Prokurorisë së Përgjithshme?!
- Si mund të jetë i pastër formulari i dekriminalizimit, pa një vërtetim të Gjykatës së Lartë, në të cilën vazhdon të zhvillohet një proces gjyqësor, ku emri i kandidatit është i përfshirë në çështje?!
- A ka një protokoll strikt që përcakton ndaljen e mundësisë së kapërcimit të dëshirave deri në shfrenim, të familjarëve të Presidentit për të bërë edhe deputetin, në një kohë që nderimi ndai figurës së Kreut të paanshme të shtetit në sistem, imponon largim nga çdo funksion publik politik të familjarëve të tij?
- A përbën shkelje deklarata që pavarësisht se jam President Elected, por do të marr pjesë në fushatën elektorale me partinë time dhe do të caktoj deputetët e partisë sime?”, shkruan Gurakuqi. (V.G/SHUPLAKA)
Discussion about this post