Hajro Çini ka publikuar në Facebook një foto, ku artisti i shquar Avni Delvina ka ilustruar artistikisht, dhe në mënyrë gjeniale shqetësimin publik të Presidentit të Republikës së Shqipërisë.
Çini shkruan se pas 1919, edhe pasi u pushtua Shqipëria nuk ka qënë më në rrezik se sa sot.
Gjithashtu, Hajro Çini shprehet se sot në Shqipëri ka vetëm një Institucionin legjitim Kushtetues, Presidenti i Republikës dhe vetëm një Institucion të pastër politik, opozita e vërtetë jashtë parlamentare dhe çdo shqiptari të ndershëm
“Shqipëria ka sot vetëm një Institucionin legjitim Kushtetues, Presidenti i Republikës, dhe vetëm një Institucion të pastër politik, Opozita e vërtetë jashtë parlamentare dhe çdo shqiptari të ndershëm. Këto dy institucione janë shpresa dhe e ardhmja e Shqipërisë.
Shqiptarët duhet domosdoshmërisht të rrëzojnë uzurpuesit e Pushtetit Qeveritar, të Parlamentit ilegjitim apo të Sistemit të kapur të Drejtësisë.”
Gjithashtu Çini shkruan se shtypi i lirë ka vdekur dhe po të mos ishte për rrjetet sociale apo gazetat presticioze perëndimore, Shqipëria do të ishte në një terr informativ më të errët se gjatë regjimit komunist.
Postimi i plotë:
Artisti shquar Avni Delvina ka ilustruar artistikisht, dhe në mënyrë gjeniale shqetësimin publik të Presidentit të Republikës së Shqipërisë, shqetësim të cilit i bashkohem pa rezerva, dhe mbështes mesazhin e tij për tu bashkuar dhe shpëtuar Shqipërinë.
Asnjëherë, pas 1919, edhe pasi u pushtua, Shqipëria nuk ka qënë më në rrezik se sa sot kur, shumë aspekte të jetës politike, shoqërore, ekonomike apo kombëtare janë nën thundrën e ilegjitimitetit. PPP kanë shkatërruar deri në palcë buxhetin e shtetit, dhe jo vetëm sot por edhe brezat e ardhshëm do të vuajnë, për ndoshta një shekull, pasojat. Shtypi i lirë ka vdekur, dhe po të mos ishte për rrjetet sociale apo gazetat presticioze perëndimore, BILD, Zëri i Amerikës etj. Shqipëria do të ishte në një terr informativ më të errët se gjatë regjimit komunist.
Me anë të makinacioneve mafioze, korrupsionit, ndaj të cilave kanë mbyllur sytë, në mënyrë të pashpjegueshme, edhe disa përfaqësi perëndimore në Tiranë, apo të disa zyrtarëve të BE, qeveria ka arritur, me efikasitet, të shkatërrojë Rendin Kushtetues (mungesa e Gjykatës Kushtetuese) si dhe ka deligjitimuar të gjithë strukturën shtetërore shqiptare, përveç Presidencës dhe Opozitës.
Shqipëria ka sot vetëm një Institucionin legjitim Kushtetues, Presidenti i Republikës, dhe vetëm një Institucion të pastër politik, Opozita e vërtetë jashtë parlamentare dhe çdo shqiptari të ndershëm.
Këto dy institucione janë shpresa dhe e ardhmja e Shqipërisë. Shqiptarët duhet domosdoshmërisht të rrëzojnë uzurpuesit e Pushtetit Qeveritar, të Parlamentit ilegjitim apo të Sistemit të kapur të Drejtësisë.
Shën Agustini ka shprehur dikur me shumë të drejtë:
“Nëse nuk respektohet drejtësia çfarë janë qeveritë përveçse banda hajdutësh?”
Hajro Çini
Discussion about this post