Presidenti Filipinas Rodrigo Duterte, më në fund e ka pranuar publikisht faktin që ai ka kryer vrasje gjatë periudhës kur ka shërbyer si kryetar bashkie në Davao, raporton BBC.
Duterte e ka drejtuar qytetin jugor për rreth dy dekada, duke fituar një reputacion për luftën ndaj krimit, por ama edhe kritika që mbështeste “skuadrat e vdekjes”.
Gjatë një takimi me biznesmenë në pallatin presidencial, BBC raporton se Duterte i pranoi akuzat e bëra ndaj tij përgjatë këtyre viteve. Pra, ai e pranoi se ka “përlyer duart me gjak”
“Në Davao zakonisht e bëja atë punë personalisht. Kjo për t’i treguar policëve të rinj se në qoftë se e bëj unë këtë, mund ta bëjnë edhe ata. Kështu unë ecja lëvizja nëpër Davao me një motor, me një biçikletë të madhe rreth, dhe i vetëm patrulloja rrugët, duke kërkuar për telashe gjithashtu. Në të vërtetë kërkoja për konfrontime në mënyrë që të vrisja.”, është shprehur presidenti Duterte.
Megjithatë pak orë përpara kësaj deklarate, ai insistoi që nuk është vrasës sepse kjo është bërë në emër të “Luftës ndaj Krimit”.
Sipas BBC, në vitin 2015 Duterte ka pranuar se ka vrarë të paktën tre të dyshuar për rrëmbim dhe përdhunim në Davao.
Komentet e presidentit janë kritikuar nga grupi për të drejtat e njeriut “Amnesty International”, i cili i ka bërë thirrje presidentit që t’i japë fund menjëherë me vrasjet.
Nëse më përpara Duterte i kryente vrasjet personalisht, tani ka skuadrën kombëtare të policisë që i kryen këto vrasje me urdhër të tij.
Policia kombëtare filipinase raporton se deri më tani janë kryer 5927 ekzekutime ndaj personave që kanë pasur lidhje me drogën, duke filluar nga 1 korriku i këtij viti. Pra, 5927 ekzekutime vetëm për 5 muaj!
Discussion about this post