Presidenti i Francës, Francoi Hollande, do të vizitojë Shqipërinë përgjatë këtij viti. Mësohet se vizita zyrtare do të zhvillohet javën e parë të muajit Mars.
Në axhendën e tij zyrtare përfshihen takime me krerët e lartë të shtetit shqiptar. Vizita e tij në Shqipëri vjen pas ftesës së Presidentit të Shqipërisë, Bujar Nishani.
Lajmi për këtë vizitë është përfolur nga mediat franceze rreth një muaj më parë. Ato shkruanin për një axhendë të ngjeshur që niste me vizitën në Burkina Faso, për të vijuar me Lisbonën, Maltën, Serbinë dhe Shqipërinë.
Sipas tyre, duke qenë se Hollande nuk do të rikandidojë për president, nuk po merret me fushatën elektorale, çka i lë kohë të mjaftueshme për të zhvilluar këto vizita. (XH.A/SHUPLAKA)
