Presidenti i Filipineve kërcënon: “Do ju hedh nga helikopteri, e kam bërë më parë dhe s’e kam problem ta përsëris!”

Presidenti kontrovers i Filipineve, Rodrigo Dutere, kërcënon zyrtarët e qeverisë se do i hedhë nga helikopteri nëse janë të korruptuar, duke shtuar se e ka bërë edhe më parë këtë gjë.

 “Nëse jeni të korruptuar, do t’ju ngre zvarrë me helikopter në Malina dhe do t’ju hedh nga atje. E kam bërë më parë këtë veprim dhe nuk e kam problem ta bëj sërish?”, janë fjalët e Dutertes.

Sipas “The Guardian”, Duterte po mbante një fjalim para disa familjeve të prekura nga tajfuni, në momentin kur bëri këto deklarata kaq serioze.

Kjo nuk është hera e parë që Duterte bën kërcënime kaq të drejtpërdrejta dhe deklarata kaq të forta.

Jo shumë kohë më parë, ai deklaroi se do të vrasë trafikantët e drogës, madje e ka pranuar publikusht se shumë vite më parë I ka përlyer duart me gjak duke vrarë tre prej tyre.

Kjo ka ndodhur në kohën kur ai shërbente si kryetar bashkie. (D.D/Shuplaka)