Pas eurokomisionerit Oliver Varhelyi, presidenti i Këshillit Europian, Chales Michel, do të vizitojë Shqipërine dhe Maqedoninë e Veriut më 24 janar.
Kështu rezulton të jetë shënuar në axhendën e tij javore ku përfshihen datat nga 20 Janari deri më 24 të këtij muaj, është shënuar edhe për vizitat e tij në dy vendet e Ballkanit Perëndimor, në kuadër të integrimit në BE.
Vetëm pak ditë më parë, Komisioneri i BE për Zgjerimin rikonfirmoi faktin se BE dhe ai vetë e kanë prioritet Ballkanin Perëndimor, ndaj u realizua dhe kjo vizitë e tij e parë në Maqedoninë e Veriut dhe Shqipëri.
“Disa gabime u bënë në tetor, por ne jemi këtu për të krijuar një mundësi dhe për të rigjallëruar procesin e integrimit me një qasje pak më ndryshe, por nuk do të ndryshojmë planin. Tashmë kemi filluar punën për përpilimin e një strategjie të re që mbështetet në tri shtylla: metologji e re për shtetet anëtare që nuk ishin mbështetëse për hapjen e negociatave; fillimi i punës për përgatitjen e Shqipërisë dhe Maqedonisë së Veriut për hapjen e negociatave para Samitit të Zagrebit; si dhe dorëzimi i një plani ekonomik për Ballkanin perëndimor në Samitin e Zagrebit” tha ai.
