Kryeministri i Greqisë, Aleksis Cipras dhe Ministrit për Kulturë dhe Sport në Greqi, Giorgios Vasilidis, kanë marë vendimin që të pezullojnë kampionatin e futbollit në Greqi, pas incidentit në sfidën PAOK – AEK, ku presidenti i ish-ekipit të Kaçes Ivan Savidis u fut me me pistoletë në fushë.
“Kampionati nuk do të vazhdojë deri sa nuk vendosën korniza të qarta në koordinim me të gjithë dhe të vazhdohet sipas rregullave dhe kushteve normale,” ka thënë Ministri për Kulturë dhe Sport, Giorgios Vasilidis.
Ndërkohë në mëngjes policia greke ka lëshuar mandat arresti për presidentin e PAOK-ut, Ivan Savidis. Mandatet e arrestit janë lëshuar edhe për 4 përsona të tjerë, truprojat e Savidisit, që e shoqëronin kur pushtoi fushën. Për incidentin e madh janë lajmëruar FIFA dhe UEFA.
Presidenti i PAOK-ut, një oligark rus 58-vjeçar me origjinë greke, u fut në fushë në minutën e 89-të, i shoqëruar nga truprojet e tij, duke kërcënuar arbitrin Georgios Kaminis për një gol të anuluar.
Savidis është njëri nga personat më të pasur në botë. është lindur në Gjeorgji nga prindërit grek dhe ka qenë pjesë e parlamentit të Rusisë. (B.H/Faxweb)
Discussion about this post