Presidenti i ri, kush janë 8 emrat e propozuar nga deputetët e PD. Do të kalojnë në analizë të thelluar

Në selinë blu mbledhja e grupit parlamentar të PD, në lidhje me zgjedhjen e presidentit të ri të vendit ka zgjatur disa orë.

Burime për Faxnews bëjnë me dije se deputeti Ferdinand Xhaferraj ka propozuar në mbledhjen e sotme emrin e Leonard Demit si kandidat për President.

Demi ka qenë deputet i Partisë Demokratike nga viti 2005 deri në 2009.

Ai ishte gjithashtu ambasador i Shqipërisë në NATO gjatë kohës së qeverisjes së Ramës.

Ndërkohë deputeti i qarkut të Kukësit, Flamur Hoxha ka propozuar emrin e Arben Çejkut, ish ambasador i Shqipërisë në Maqedoni.

Ndërsa Bledion Nallbati ka propozuar për president dhe Dritan Demirajn.
Gjatë diskutimeve është përmendur dhe emri i Leka Zogut, Jorida Tabakut si dhe ai i Lajla Pwrnaskës, por pak kohë pas përfundimit të mbledhjes deputeti propozues Kreshnik Çollaku vendosi t’i tërheqë si kandidatura. Tashmë janë 8 emra që do të hidhen në diskutim për të nxjerrë së paku 2 kandidatura nga grupi pralamentar i PD-së.

PROPOZIMET:

-Leonard Demi

-Arben Çejku

-Dritan Demiraj

-Visar Zhiti

-Rexhep Uka

-Halim Kosova

-Dashamir Shehu

-Leka Zogu