Milani humbi këtë javë në kampionatin italin kundër Sampdorias me rezultatin 2-0 në transfertë. Kjo mesa duket i ka shërbyer presidentit të Sampdorias për të ironizuar merkaton e kuqezinjve ku shpenxuan rreth 200 milionë euro.
Presidenti i Sampdorias, Masimo Ferrero, në një intervistë të dhënë për “Radio Radio” tha se Milani ka investuar rreth 200 milionë euro dhe nuk bëri asnjë gjuajtje në portë kundër ekipit të tij.
“Milani ka shpenzuar 200 milionë euro në merkato por kundër nesh nuk bëri asnjë gjuajtje në portë. Kurse ne ia bëmë dy gola. Unë kisha parashikuar një fitore 2-1, por ata nuk bënë asnjë gjuajtje në portë, përndryshe edhe mund ta kisha gjetur rezultatin e saktë.
Milani është një skuadër e madhe, por zhvillon lojë individualiste. Sipas meje, titulli kampion në këtë sezon i shkon Napolit. Nëse nuk e fiton këtë vit, nuk do ta fitojë asnjëherë më”, tha Ferrero. (B.H/Shuplaka)
