Presidenti i Senatit të Shteteve të Bashkuara të Amerikës, Orrin G. Hatch, ka uruar Ilir Metën për zgjedhjen si president. Senatori amerikan i ka përcjellë Presidentit të zgjedhur angazhimin e mëtejshëm për më shumë bashkëpunim. Sakaq, senatori vlerëson kontributin e Shqipërisë në NATO dhe gjithë kontributin e tij.
LETRA:
“President i zgjedhur i Republikës së Shqipërisë
I dashur President i zgjedhur:
Ju lutem pranoni urimet e mia të ngrohta për zgjedhjen tuaj.
Ju dëshiroj juve dhe popullit të Shqipërisë suksesin më të mirë ndërkohë që ju merrni Presidencën.
Ishte një kënaqësi e madhe t’iu takoja gjatë Inagurimit të Presidentit Trump. Mua më pëlqeu thellësisht biseda jone për reformën në drejtësi, trafikun e drogës dhe kauzën tonë të përbashkët për të mundur ISIS-in. Me të vërtetë, si një nga anëtarët më të rinj të NATO-s, unë e vlerësoj thellësisht kontributin e rëndësishëm të Shqipërisë për të siguruar stabilitetin në Evropën jugore, për të luftuar terrorizmin ne Irak dhe Afganistan, dhe për të këshilluar kombet që aspirojnë t’i bashkohen NATO-s.
Pres që të punoj me ju për të çuar përpara objektivat e përbashkëta të dy kombeve tona të mëdha.
Edhe njëherë urimet më të mira ndërkohë që ju ngjiteni në këtë post të lartë.
Sinqerisht
Orrin G. Hatch
Senati i Shteteve të Bashkuara”, shkruhet në mesazhin e urimit të senatorit amerikan. (J.V/Shuplaka)
Discussion about this post