Presidenti i senatorëve të ‘Forza Italia’ mbështet propozimin e Metës: Situata në Shqipëri e shartuar me krimin

Situata politike në Shqipërinuk ka kaluar pa marrë vëmendjendhe të ligjvënësve italianë. Ka qenë Paolo Romani Presidenti i senatorëve të Forza italia thotë se Italia dhe marrëdhëniet me Shqipërinë nuk duhet të qëndrojnë në indiferencë në krizën që po kalon vendi ynë.

Ai është shprehur pro propozimit të Kreut të LSI-së Meta për një qeveri që del garante për zgjedhjet e lira. 

Marrëdhëniet mes Shqipërisë dhe Italisë janë të forta, por konkretizohen edhe në aktualitetin historik. “Vendi ynë nuk mund të mbetet indiferent për krizën politike në Shqipëri në këtë moment. Italia ka qenë gjithmonë aleati kryesor i procesit të integrimit evropian të Shqipërisë, dhe duhet të vazhdojë të mbajë një rol udhëheqës dhe mbështetje në këtë moment delikat. Vendi ynë nuk mund të mbetet indiferent për krizën politike në Shqipëri në këtë moment”, thotë Paolo Romani.

Presidenti i senatorëve të Forza Italia thekson se bëhet fjalë për “një krizë politike që është shartuar në një situatë të komplikuar me një prani të fortë të krimit, sipas të dhënave të fundit, nga trafikimi i kanabisit drejt vendit tonë dhe qe shef institucionet tona bashke me ato shqiptare protagoniste në kontrast e kontrollin e territorit.

Në këtë skenar bëhet e domosdoshme menaxhimi i zgjedhjeve të ardhshme nga një qeveri teknike, e mbështetur nga shumica dhe opozita, siç kërkohet edhe nga Kryetari i Kuvendit, Ilir Meta, që përfaqëson Lëvizjen Socialiste për Integrim, komponentin e shumicës qeveritare, në gjendje për të përmirësuar klimën e konfrontimit politik mes partive kryesore shqiptare, Partia Socialiste e kryeministrit Edi Rama dhe partia demokratike e Luzlim Bashes, respektivisht qeveria dhe opozita, për t’i dhënë vendit një ligj të ri zgjedhor, pas dështimit të reformës; dhe për të siguruar zgjedhje demokratike dhe të lira “.

“Vetëm në praninë e këtyre kushteve, procesi i integrimit të Shqipërisë në Bashkimin mund të “shkojë i papenguar dhe nën përkujdesjen më të mirë. Italia duhet të luajë një rol promotor në të gjitha zyrat evropiane për të mbështetur Shqipërinë në një ecuri pozitive të kësaj faze dhe në arritjen e hyrjes së objektivit final në Bashkimin Evropian “, përfundon ai. (E.K/SHUPLAKA)