Presidenti i SHBA-së, Donald Trump, sulmoi ashpër homologun e tij rus, Vladimir Putin, lidhur me bisedimet e paqes në Ukrainë, ndërsa la të kuptohej se ishte i interesuar të vendoste sanksione të reja ndaj Moskës.
“Nëse doni të dini të vërtetën, dëgjojmë shumë budallallëqe nga Putini. Ai është shumë i sjellshëm gjatë gjithë kohës, por rezulton se është pa kuptim”, u tha ai gazetarëve gjatë një takimi të kabinetit në Shtëpinë e Bardhë.
Trump tha se ndoshta ka dy ditë larg nga dërgimi i një letre Bashkimit Evropian që zbulon normën e tarifave për eksportet e tyre në SHBA.
Trump tha se vendet pjesë e grupit BRICS do të përballen me një tarifë prej 10% të aplikuar “shumë shpejt”.
“Kushdo që është në BRICS do të marrë një tarifë prej 10% shumë shpejt”, tha Trump gjatë një takimi me zyrtarët e kabinetit në Shtëpinë e Bardhë.
