Presidenti Ilir Meta ka komentuar draft raportin e opinionit të Komisionit të Venecias lidhur me dekretin e anullimit të zgjedhjeve të 30 Qershorit duke thënë se ky Komision I ka kaluar kompetencat me qëndrimin e tij.
“E para, ka tejkaluar Venecia kompetencat e saj dhe do e dëgjoni nesër. Është shumë e sigurt. Nuk ekziston termi tejkalim në Kushtetutën e Republikës së Shqipërisë. Ekziston shkelje dhe shkelje e rëndë dhe presidenti shkarkohet për shkelje të rëndë dhe krim”, tha Meta në “Opinion”
Ndërsa pyetjes nëse ka frikë për shkarkimin e tij, Meta tha “zero”, ndërsa shtoi se Kushtetuta është një dokument me të cilin nuk mund të luajë askush.
“Zero… Në Kushtetutën e Shqipërisë është shumë e qartë se i vetmi institucion që cakton zgjedhjet është presidenti. Kushtetuta është një dokument jashtëzakonisht i rëndësishëm me të cilën nuk mund të luaj askush. Parimi kryesor i kushtetues sonë është pluralizmi politik”, tha Meta.
Në draft opinionin e zbuluar disa ditë më parë, Komisioni megjithatë vëren se sipas tij, nuk janë kushtet për të vërtetuar një shkelje serioze që do të çonte në shkarkimin e Presidentit.
(F.GJ/FAXWEB.AL)
