Presidenti Meta i uron fitoren Erdoganit: Marrëdhëniet tona janë më vllazërore dhe do të forcohen më tej

Erdogan kryesoi ditën e djeshme në zgjedhjet presindeciale të zhvilluara në Truqi, me 52.72% të votave.

Presidenti Ilir Meta ka uruar ditën e sotme homolgun e tij duke shprehur konsideratat më të larta për fitoren e thellë.

Meta shkruan se pas kësaj fitore marrëdhëniet mes Shipërisë dhe Turqisë do të forcohen edhe më shumë.

“Shpreh besimin e palëkundur se, gjatë mandatit Tuaj të ri, marrëdhëniet historike e tradicionalisht miqësore e vëllazërore midis dy vendeve e dy popujve tanë, do të forcohen edhe më shumë”, shkruan ai.

Mesazhi i plotë:

“Mesazhin e Presidentit SH.T. Z Ilir Meta per Presidentin e Turqise SH.T.Z Recep Tayyip Erdoğan I nderuar Zoti President, Urimet më të mira e të përzemërta për fitoren në zgjedhjet e djeshme presidenciale! Ju uroj nga zemra shumë suksese në përmbushjen e agjendës Suaj dhe drejtimin e zhvillimin e mëtejshëm të Turqisë e të popullit mik turk.

Shpreh besimin e palëkundur se, gjatë mandatit Tuaj të ri, marrëdhëniet historike e tradicionalisht miqësore e vëllazërore midis dy vendeve e dy popujve tanë, do të forcohen edhe më shumë. Jam i sigurt se, falë vëmendjes së madhe e të veçantë që i kushtoni bashkëpunimit me Shqipërinë, këto marrëdhënie do të intensifikohen e do të thellohen edhe më shumë.

Ju siguroj për vullnetin dhe gatishmërinë time për të vijuar bashkëpunimin me Ju e për t’i çuar më tej këto marrëdhënie. Përfitoj nga rasti të shpreh mirënjohjen e thellë për ndihmën dhe mbështetjen e pakursyer që Ju dhe Turqia i keni dhënë Shqipërisë dhe shqiptarëve ndër vite.

Shqiptarët janë mirënjohës dhe do të jenë solidarë me Ju dhe popullin mik turk në luftën kundër terrorizmit dhe ekstremizmit të dhunshëm që kërcënon paqen dhe stabilitetin e Turqisë. Me urimet më të mira për shëndetin dhe lumturinë Tuaj, ju lutem pranoni, Zoti President, shprehjen e konsideratës sime më të lartë.”

(E.V/Faxweb.al)