Zëvendëskryeministri Erion Braçe i është përgjigjur deklaratave të forta të presidentit Meta, i cili paralajmëroi sot shpërndarjen e Kuvendit, duke thënë se kjo mund të bëhet vetëm me një dekret.
Braçe shprehet se vendimi i Metës për të dekretuar Xhaferllarin në Gjykatë Kushtetuese është i paligjshëm, pasi ajo renditej e katërta në listën e KED.
Braçe u ndal më tej dhe te betimi i Arta Vorpsit te një notere, duke thënë se kjo është bërë për shkak se presidenti ka refuzuar që të kryejë detyrën e tij.
“Çdo berber në Shqipëri mund të dalë dhe të shpërndajë Kuvendin, lexoni Kushtetutën dhe shikoni nëse ka të drejtë apo jo.
Kam përshtypje se ju mediat i jeni referuar dje kryetares së dhomës së noterve, e cila e ka konsideruar proces ligjor atë që është zhvilluar, nuk ka ndonjë shkelje ligji.
E dyta noteria ka një ligj, dhe në asnjë rast në botë nuk është parukeri, Kushtetuta ka thënë që i katërti nuk bëhet dot i pari, ka ndodhur një akt antikushtetues”, u shpreh Braçe.
Pjesë nga fjala e Metës për gazetarët:
Është tërësisht e zgjidhur për të gjithë ata që e njohin Kushtetutën, për të gjithë ata që vendosën me referendum këto parashikime të kushtetutës që janë të paluajtshme. Kam një paralajmërim të fundit për ata që mendojnë se betimi me dorrë në Kushtetutë të Ilir Metës ka qenë një akt ceremonial apo formal.
Nuk ka organ më të rëndësishëm se Kushtetuta e shqipërisë që ka një garant, GJK. Përpjekjet për të kapur gjithë institucionet e drejtësisë duke kapur GJK, nuk do ta ketë të mundur askush ta harrojnë, janë të vdekura. Parlamenti me një dekret shpërndahet, qeveria me një mocion rrëzohet, presidenti po ashtu, por askush nuk mund të rrëzojë kushtetutën e Shqipërisë.
Nëse në fund nuk e kuptojnë këtë, Kushtetuta e parashikon shumë saktë. E nëse u duket pozita e Presidentit dhe veprimet e tij si veprimet ceremoniale, do t’ju tregojmë të gjithë qytetarëve se çfarë ka kompetencë Kushtetuta. Secili ka përgjegjësitë e veta. Secili ka kompetenca përkatëse, dhe presidenti do ti rikthejë nëse është nevoja tek populli atë çfarë i takon. Në momentin e duhur, Presidenti do ti drejtohet popullit dhe ndërkombëtarëve për të rivendosur rendin kushtuees që prej dy vitesh nuk funksionon.
(E.K/Faxweb.al)
