Presidenti Meta për darkë me anëtarët e Bordit të Fondit Shqiptaro-Amerikan: Diskutuam dhe shkëmbyem ide rreth sfidave që ka Shqipëria

Presidenti i  Republikës, Ilir Meta ka darkuar mbrëmjen e sotme  me anëtarët e Bordit të Fondit Shqiptaro-Amerikan të Zhvillimit.

“Sot pata kënaqësinë të takoja në një darkë miqësore anëtarët e Bordit të Fondit Shqiptaro-Amerikan të Zhvillimit”, shkruan Meta.

“Michaeli dhe kolegët e tij prej vitesh kanë kontribuar në projekte zhvillimore ekonomike dhe sociale për vendin, të cilat janë kthyer në histori suksesi dhe burim inspirimi.

Diskutuam dhe shkëmbyem ide rreth sfidave dhe potencialeve që ka Shqipëria për të qenë një faktor i rëndësishëm në rajon dhe më gjerë”, thotë Meta.

Fondi do të ketë mbështetje maksimale të Presidentit të Republikës për të avancuar me një axhendë të larmishme të projekteve zhvillimore, sidomos në fushën e edukimit, me fokus kryesor investimin tek rinia shqiptare si garancia e vetme për një shoqëri me prosperitet, me mirëqënie dhe të ardhme.

(S.SH/Shuplaka)