Presidenti Meta takon Erdogan, ja pse e falenderon homologun turk (Video)

Presidenti Ilir Meta gjatë samitit që ka pasur në Sarajevë ka zhvilluar një takim dhe me presidentin e Turqisë Erdogan.

Meta shprehet se marrëdhëniet mes dy vendeve janë të shkëlqyera, dhe se Turqia po bën gjithçka për të mbrojtur Ballkanin dhe Europën nga emigracioni i paligjshëm.

“Kënaqësi të takoja sot në Sarajevë, Presidentin e Turqisë, z.Recep Tayyip Erdoğan. Marrëdhëniet tona të shkëlqyera tradicionale kanë një të ardhme mjaft premtuese. 

Mirënjohës për peshën e jashtëzakonshme që Turqia mban për të mbrojtur Ballkanin dhe Europën nga emigracioni i paligjshëm”, shkruan Meta bashkëngjitur videos nga takimi mes dy presidentëve.