Presidenti i vendit Ilir Meta ka uuar të gjithë besimtarët myslimanë për festën e Kurban Bajramit.
Pas vizitës që bëri në Komunitetin Mysliman Presidenti u shpreh se kjo është një ditë sakrificash, ku njerëzit urojnë për paqe dhe mirëqënie në familjet e tyre.
Dua të uroj të gjithë besimtarët myslimanë dhe të gjithë shqiptarët për sakrificat e tyre, për të lehtësuar breengat e përditshme. Në këtë ditë sakrificash dua të uroj për të gjithë familjet tona paqe dhe mirëqënie. Vrasja e gjyqtares dje ishte një akt kriminal dhe i shëmtuar”, u shpreh ndër të tjera presidenti Meta.
Po ashtu gjatë mëngjesit të sotëm besimtarët myslimanë kanë bërë faljen e Namazit në ‘’Sheshin Skënderbej”.
Kurban Bajrami është festa e dytë e këtij vitit në kalendarin islam dhe pas faljes së mëngjesit rituali vazhdon me prerjne e kurbanit dhe me vizitat tek të afërmit dhe miqtë në mënyrë që të përcjellin urimet për njëri-tjetrin.
Në fjalën e tij përpara besimtarëve kreu i komunitetit mysliman Skëndër Brucaj u shpreh se Kurban Bajrami është simbol i sakrificës, sinqeritetit dhe dorëzimit të plotë tek Allahu i lartësuar.
(E.K/SHUPLAKA)
Discussion about this post