Presidenti Nishani ka reaguar zyrtarisht sot me anë të një deklarate për situatën politkke në vend. Nishani kërkon edhe një herë që kryeministri me liderin opozitar Basha të takohen për të zgjidhur krizën në vend.
“Presidenti Nishani ofron të gjithë gatishmërinë dhe angazhimin e tij institucional në shërbim të këtij dialogu”,- shkruhet në deklaratën e Presidencës.
DEKLARATA:
Presidenti i Republikës, Bujar Nishani po ndjek me shumë shqetësim përmasat që po merr kriza politike në vend. Ndaj edhe njëherë i kërkon Kryeministrit të vendit dhe Liderit të Opozitës të ulen në tryezën e bisedimeve me vullnetin për kompromis, për të tejkaluar këtë situatë të vështirë për vendin. Presidenti Nishani ofron të gjithë gatishmërinë dhe angazhimin e tij institucional në shërbim të këtij dialogu.
Prej kohësh opozita e bashkuar ka kërkuar që të ketë një qeveri teknike që vendi të përgatitet për të hyrë në zgjedhje. Teksa të gjitha afatet ligjore po skadojnë që PD të hyjë në zgjedhjet e ardhshme, Nishani kërkon edhe njëherë një tryezë bisedimesh.
Nishani i ka dekretuar zgjedhjet e 18 qershorit por opozita ka hyrë në ditën e 74-t tek çadra në bulevard dhe nuk pranon kusht tjetër përveç largimit të Ramës.
(M.D/Shuplaka)
Discussion about this post