Presidenti Nishani ka mbajtur fjalën hyrëse në ditën e tretë të Simpoziumit kundër korrupsionit të organizuar nga Ambasada e SHBA-ve në ambjentet e Hotel Tirana. Nishani e vuri theksin te mësimi nga gabimet e së shkuarës, në mënyrë që të mos bëjmë gabime të sotshme.
Për Nishanin është e rëndësishme që të ndërtojmë strategji për të ardhmen, pasi e ardhmja i përket brezave të rinj. Dhe ne duhet ta ndërtojmë të mirë për ata.
Ai tha se shumë nga problemet e korrupsionit në vendin tonë vijnë si pasojë e mungesës së besimit që ne kemi te institucionet. Për Nishanin korrupsioni nuk zhduket nga individët por nga mekanizmat që ne ndërtojmë për të penguar atë.
‘’ Për të luftuar korrupsionin duhet dëshirë, dëshirë dhe vetëm dëshirë. Nëse ekziston kjo ne do të arrijmë të gjejmë mekanizmat për të penguar dhe dekurajuar zhvillimin e korrupsionit. Secili prej nesh duhet të japë kountributet e veta personale, profesionale dhe institucionale në mënyrë që të luftohet ky fenomen’’, ka shprehur ndër të tjera Nishani.
Përgjegjësia ka thënë Nishani është hirearkike dhe secili prej institucioneve duhet të marrë përgjegjsëitë e veta për këtë luftë.
Discussion about this post