Protesta e aktivistëve në mbrojtje të Teatrit, së cilës policia ju përgjigj me dhùnë të pashoqe ka sjellë disa reagime të vrullshme të Presidentit Ilir Meta. Por, në të njëjtën kohë erdhën dhe disa deklarata që e vunë në lojë autoritetin e tij si kryetar i shtetit.
“Brigadieri i komunales” me gjasë mund të kthehet viral si “Nard Ndoka filozof”, nëse garanti i vetëm i Kushtetutës nuk reagon aq energjikisht si në fillim të marsit, kur gjunjëzohej para një tùbimi mijëra vetësh që dolën, sepse i thirri ai vetë.
Në ballë të kësaj gjindje ishin aktivistët, artistët e Aleancës për Mbrojtjen e Teatrit.
Pra, kur Ilir Meta kishte nevojë për ta, ata shkuan. Tani, kur ata kanë nevojë për Ilir Metën ai nuk shkon në shesh, por duhet të shkojë. Nuk mjafton ripostimi i mesazhit të imzot Gjergj Metës. Kreu i shtetit duhet t’u dalë për zot pròtestuesëve, në mënyrë që të mbrojë një kauzë të tijën, sepse Teatri është çështje e tij. Në të njëjtën kohë duhet të dalë që të ndalojë aparatin e dhùnës që komandohet nga Sandër Lleshaj i dekretuar prej tij. Zoti Meta, duhet të dalë në shesh që të bëjë nul efektet e një ligji që ua shiti shqiptarëve për danez. Meqë e mbrojti këtë ligj si të nevojshëm, sot i ka ardh dita që ose të provojë efektet e tij të áshpra në kurrizin e vet, ose ta hedhë poshtë duke mbrojtur aktivistët.
Ai u përbetua, se do kthehet në mburojë për shqiptarët e dhunuar nga klika, bëri shqiponjën me pëllëmbë, ra në gjunjë, ngriti lart dy gishtat simbol të Dhjetorit; sot është dita ta tregoj veten.
