Presidenti i Serbisë, Tomislav Nikolic në diskutimin e parë të 2017-ës për Kosovën në Këshillin e Sigurimit të OKB-së në fjalimin e tij e ka përmendur themelimin e ushtrisë së Kosovës.
Sipas presidentit serb, kjo gjë do ta destabilizonte rajonin.
Nikolic ka folur po ashtu edhe për ndaljen e trenit serb nga ana e autoriteteve kosovare. Sipas tij, pala kosovare ka bërë shkelje të lirisë së lëvizjes në rastin e ndaljes së trenit. Presidenti serb, po ashtu ka thënë se pala kosovare nuk po i respekton marrëveshjet e arritura në bisedimet e Brukselit të ndërmjetësuara nga Frederica Mognerini.
“Ne e përshëndesim vazhdimin e dialogut. Ne jemi për vazhdimin e dialogut dhe jo për mbështetjen e dhunës dhe kërcënimit. Çfarëdo ndryshimi do të ishte kërcënim i rezultues 1244. Serbia ka bërë propozimet e veta gjatë dialogut, ato kanë qenë realiste. Por, një gjë e tillë nuk është bërë nga pala tjetër e cila ka dështuar së zbatuari marrëveshjet. Serbia është e përkushtuar drejtë arritjes së paqes. Ndalimi i trenit nga pala kosovare është shkelje dhe paraqet shkelje të lirisë së lëvizjes”, ka thënë presidenti serb Tomislav Nikolic.
Prej muajsh është ngritur debati mbi shndërrimin e Forcave të Sigurisë së Kosovës në ushtri. Beogradi nuk e mbështet në mënyrë të vendosur ndërsa Tirana zyrtare ka shprehur vendosmërinë e saj për ta ndihmuar Kosovën. (M.D/ Shuplaka)
Discussion about this post