Presidenti Hashim Thaçi ka reaguar pas votimit të Avdullah Hotit si kryeministër i Kosovës, të cilin e përgëzon për detyrën e re.
Thaçi shkruan se qeverisë së re i uron suksese, dhe i ofron bashkëpunim të plotë në jetësimin e agjendës kombëtare dhe ndërkombëtare.
“I përgëzoj deputetët e Kuvendit të Republikës së Kosovës për votimin e Qeverisë së re. Kjo është një ditë e rëndësishme për demokracinë tonë dhe për qytetarët e vendit. Qeverisë së re i uroj sukses në përmbushjen e programit qeverisës dhe i ofroj bashkëpunim të plotë në jetësimin e agjendës kombëtare dhe ndërkombëtare.
Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mike. HTH.”- shkruan Thaçi.
