Ish-ministri i Drejtësisë, Ylli Manjani, ka reaguar vetëm pak minuta më parë pas deklaratave të Bashës sot në hapje të fushatës elektorale të PD-së në Fushë-Krujë.
Duke u ndalur tek “pazari i fundit” që Basha komentoi, zgjedhja e Metës “Tregtarit të Venedikut”, President, Manjani shprehet se kryedemokrati Basha është i vetmi që nuk duhet ta komentojë.
Kjo për shkak sipas tij se Lulzim Basha injoroi Kushtetutën duke refuzuar të merrte pjesë në garë.
Zgjedhjen e Ilir Metës President mund ta kundërshtojë çdo kush, por jo Basha. Ai, në injorim të Kushtetutës, refuzoi të merrte pjesë në garë!
“Pazari i fundit i Republikës së vjetër ishte zgjedhja e presidentit. U ulën të dy, ia futën me verë. As nuk u pyet njeri, as u vendos njeri. Dy njerëz me verë e me peshk zgjodhën presidentin. Tani meqënëse është futur edhe Shekspiri në këtë mesele… “Tregtarit të Venedikut” që u u zgjodh president, dua t’i them se SHPK-ja e tij do shkojë drejt falimentimit total më 25 qershor. Ndaj merre me qetësi dhe dashuri Ilir Meta, mos e shkel etikën. Lëre Petritin ta marrë faturën e SHPK-së.”, u shpreh sot Basha nga Fushë-Kruja.
(XH.A/SHUPLAKA)
Zgjedhjen e Ilir Metës President mund ta kundërshtojë çdo kush,por jo Basha. Ai, në injorim të Kushtetutës,rrefuzoi të merrte pjesë në garë!
— Ylli Manjani (@yllimanjani) June 3, 2017
Discussion about this post