Në ndryshim nga vendimi i paraardhësit të tij Barack Obama se do të mbyllte burgun famëkeq të Guantanamos, Presidenti Donald Trump ka vendosur të kundërtën.
Përmes një urdhëri ekzekutiv përpara fjalimit ditën e djeshme, Trump u shpreh se Amerika ka lëshuar në të shkuarën qindra terrristë të rrezikshëm, po tashmë kjo nuk do të ndodh më.
“Në të kaluarën, ne kemi lëshuar pa arsye qindra terroristë të rrezikshëm, të cilët janë kthyer përsëri në fushën e betejës, duke përfshirë udhëheqësin e ISIS, al-Baghdadi. Prandaj, sot po mbaj një premtim tjetër.
Sapo nënshkrova një urdhër që udhëzon Sekretarin e Mbrojtjes Mattis të rishikojë politikën tonë të paraburgimit ushtarak dhe për të mbajtur hapur objektet e paraburgimit në Gjirin e Guantanamos”, tha Presidenti.
Ai tha gjithashtu se koalicioni për të mposhtur ISIS-in ka çliruar gati 100 për qind të territorit të mbajtur dikur nga këta vrasës në Irak dhe Siri. “Por ende ka shumë punë për t’u bërë. Ne do të vazhdojmë luftën tonë derisa ISIS të mposhtet,” tha Presidenti.
“Terroristët nuk janë thjesht kriminelë, tha zoti Trump. Ata janë luftëtarë të paligjshëm të armikut. Dhe kur kapen jashtë shtetit, ata duhet të trajtohen si terroristë që janë”.
Objekti në Kubë është përdorur që nga sulmet e 11 shtatorit për të ndaluar atë që Uashingtoni i quan “luftëtarë armik”, por vetëm 41 të burgosur mbeten atje.
(E.K/FAXWEB)
Discussion about this post