Kosova refozoi kërkesën e presidentit serb Tomislav Nikoliç, për të vizituar komunën e Shtërpçës këtë të premte.
Pas kësaj, mediat serbe kanë njoftuar se bashkëpunëtoret e Nikoliç nuk janë lejuar të kalojnë pikë kalimin kufitar në Merdare.
Gazeta serbe ‘Blic.rs.” shkruan se zyrtarët serbë kanë qëndruar në Merdare prej orës 11.00 deri në 16.00, por nuk janë lejuar të hyjnë.
Ata donin të hynin në Kosovë me qëllim që të përgatisnin vizitën e shefit të shtetit serb, përfshirë edhe vlerësimin e çështjes së sigurisë.
Përveç kësaj, mediat serbe shkruajnë se ndalimi I zyrtarëve serbë, është bërë si hakmarrje nga ana e Kosovës, për arrestimin e kreut të AAK-së, Ramush Haradinaj.
