Ditën e djeshme Bujar Kapexhiu në një intervistë për mediat tha se kishte presione që të hiqte EdI Ramën si pedagog kur ishte rektor në Akademinë e Arteve.
Në lidhje me këtë Kastriot Myftaraj shkruan se Kapexhiu vërtet mund të ketë pasur presione, po prej faktit se Rama më shumë qëndronte në Francë sesa në Shqipëri.
‘’Rektorit Kapexhiu i thanë se përse e mbante në punë pedagogun Edi Rama i cili pjesën më të madhe të kohës jetonte në Paris, gjë që e ka pohuar edhe vetë Edi Rama në intervistat dhe shkrimet e tij, kur tregon për këtë periudhë të jetës së tij.
Rektori Kapexhiu kishte shkelur ligjin duke e mbajtur Ramën në punë si pedagog të rregullt me kohë të plotë, që paguhej me rrogë nga paratë e taksapaguesve.
Sa për arsyen se përse Kapexhiu e mbajti në punë Ramën, a thua që arsyeja kryesore të ketë qenë solidariteti mes karikaturistëve?”, shkruan mes të tjerash Myftaraj.
REAGIMI I MYFTARAJT:
Bujar Kapexhiu thotë se kur ishte rektor i Akademisë së Arteve, pra në kohën kur Sali Berisha ishte President (1992-97) i kërkuan që të largonte Edi Ramën nga puna si pedagog në këtë akademi. Nënkuptimi është se Kapexhiut ia kërkoi këtë gjë pushteti i PD-së. Më duket e besueshme.
Por Kapexhiu duhet të na thotë edhe arsyen se përse ia kërkuan këtë gjë dhe si ia kërkuan.
Rektorit Kapexhiu i thanë se përse e mbante në punë pedagogun Edi Rama i cili pjesën më të madhe të kohës jetonte në Paris, gjë që e ka pohuar edhe vetë Edi Rama në intervistat dhe shkrimet e tij, kur tregon për këtë periudhë të jetës së tij.
Rektori Kapexhiu kishte shkelur ligjin duke e mbajtur Ramën në punë si pedagog të rregullt me kohë të plotë, që paguhej me rrogë nga paratë e taksapaguesve. Sa për arsyen se përse Kapexhiu e mbajti në punë Ramën, a thua që arsyeja kryesore të ketë qenë solidariteti mes karikaturistëve?
Kapexhiu dhe Rama janë të dy karikaturistë të apasionuar. Pikturat e Ramës kanë elementë të qartë karikature. Apo Bujari e kishte gëlltitur “lugën e çorbës” te Fondacioni “Soros” në Tiranë, ku Rama ishte i plotfuqishëm?
Gjithsesi, me fjalët që tha Kapexhiu, ndodh një zhvillim interesant në marrëdhëniet e ish-rektorit me ish-pedagogun e tij. Ish-rektori bëhet gaztori-klloun i ish-pedagogut të shndërruar në sundimtar të vendit.
(E.K/FAXWEB)
