Pret mandatin për deputet, kryetari i kësaj partie shpall dhe kandidatët për kryetarë bashkia (Lista)

Kryetari i Partisë Konservatore, Kujtim Gjuzi ka publikuar listën e kandidatëve të kësaj partie për kryetar bashkie në zgjedhjet e ardhshme që do të mbahen me datë 30 qershor të këtij viti.

Në këtë listë janë treguar emrat e kandidatëve në disa bashki të vendit të cilët pritet të kandidojnë në zgjedhjet lokale.

Gjuzi ka postuar një fotografi në rrjetet sociale ku janë listuar emrat e kandidatëve si dhe bashkitë përkatë përkrah të cilës shkruan “konservatorët të gatshëm për zgjedhjet lokale 2019”

Kujtojmë se Gjuzi ka qenë kandidat për deputet në zgjedhjet e përgjithshme të kaluara, ku djegia e mandateve nga opozita mund ti krijojë hapësirë që të thirret nga Komisioni Qëndror i Zgjedhjeve për të plotësuar vakancat në Parlament.

Një prej atyre që janë shprehur se do ta pranojnë mandatin e deputetit është edhe Kujtim Gjuzi, kreu i Partisë Konservatore, i cili rënditet i 19 në listën e PD-së në Qarkun e Durrësit (lexo ketu).

“Nuk kam asnjë arsye që ta lëshoj mandatin sepse nuk është i Kujtim Gjuzit, por i Partisë Konservatore. Në këtë moment unë jam një ndër drejtuesit më të lartë të grupit të ri opozitar”, ka deklaruar më herët Gjuzi.

(F.GJ/FAXWEB.AL)