Një biograf mbretëror zbuloi para pak kohësh se kur Charles u ndesh për herë të parë me Camilla-n, ai u tërhoq nga fakti që ajo qeshi me “të njëjtat gjëra të idiote si ai”.
Mirëpo siç duket kjo ndjenjë e humorit vazhdon ende pas më shumë se 40 vjetësh. Mediat ndërkombëtare kanë publikuar pamjet e çiftit mbretëror duke qeshur në një shfaqje tradicionale gjatë turit të tyre në Kanada.
Camila dhe Charles duket që po përpiqen të ruajnë qetësinë, mirëpo s’e shmangin dot të qeshurën. Madje Camila mbulon gojën me duar.
Kjo për shkak të shfaqjes së çuditshme, ku dy gra këndonin (më shumë bërtisnin) njëra pas tjetrës për të parë se cila duron më shumë.
Çifti arriti në Kanada të enjten e kaluar për një vizitë mbretërore që arriti kulmin në Ottaëa në fundjavë, ndërsa Kanadaja shënonte ditëlindjen e saj të 150-të.
Turneu zyrtar i fundit mbretëror në Kanada u zhvillua në vitin 2016 kur Princi William dhe gruaja e tij, Kate, vizituan së bashku me dy fëmijët e tyre të vegjël për udhëtimin e tyre të parë zyrtar jashtë shtetit si një familje prej katër vetash. (D.D/Shuplaka)
