Gazetarja investigative Klodiana Lala deklaroi se prindërit e minorenes së përdhunuar në Kavajë, ngjarje për të cilën akuzohen 8 minorenë, se prindërit e vajzës kanë ngritur padi penale ndaj shkollës.
Ajo fajësoi drejpërdrejt policinë për ngjarjen dhe për mos zbulimin në kohë më të shpejtë, pasi sipas Lalës kanë qenë në dijeni më shumë se 15 persona.
“Policia është fajtore e drejtëpërdrejtë për zbulimin me kaq vonesë të ngjarjes në një kohë që për këtë ngjarje kishin dijeni mbi 15 persona. Policia ka qëndruar kafeneve dhe nuk do t’ia dijë se cfarë bëhet përreth. Ata duhej ta hetonin, zbulonin dhe trajtonin këtë cështje dhe jo të ndërhynte pasi të jetë zbuluar gjithcka”, u shpreh Lala në “Opinion”.
Bëhet fjalë për një ngjarje që e dinte gjithë Kavaja, por vetëm policia nuk e dinte. E dyta policia jep informacione në media për ngjarje idiote dhe jo për këtë ngjarje? Policia ishte e detyruar të bënte një sqarim, jo pas debateve në parlament”, –u shpreh Lala në “Opinion”.
Ajo theksoi gjithashtu se prindërit e vajzës ndjehen të paragjykuar në qytetin ku jetojnë për shkak të ngjarjes.
Discussion about this post