Një gjykatë në Zelandën e Re hoqi sot përkohësisht kujdestarinë e një foshnjeje gjashtë muajshe , prindërit e të cilit refuzojnë t’i nënshtrohen një operacioni të nevojshëm për ta mbajtur atë në jetë, sepse kanë frikë se ai mund të marrë një transfuzion gjaku nga një person që është vaksinuar kundër Covid-19.
Gjykata e Lartë e Auckland ka vendosur të marrë kujdestarinë e pjesshme të ‘baby W’ deri sa t’i nënshtrohet operacionit që i nevojitet, pasi vuan nga një ngushtim i valvulës pulmonare.
Operacioni për shpëtimin e jetës së foshnjës është vonuar për shkak se prindërit e tij kërkuan që gjaku t’i transfuzohej atij që të vinte nga njerëz që nuk e kishin marrë vaksinën mRNA kundër Covid .
Tani foshnja është nën “kujdesin mjekësor të gjykatës” “deri në përfundimin e operacionit” dhe shërimin e tij, më së voni deri në fund të janarit.
Prindërit do të jenë ende kujdestarët e foshnjës, por nuk do të jenë në gjendje të marrin vendime mjekësore për të. Ata do të “informohen për natyrën e trajtimit që konsiderohet i përshtatshëm për ‘Baby W’ dhe për përparimin e gjendjes së tij”, sipas urdhrit të gjykatës.
Rasti ka shkaktuar bujë në të gjithë vendin dhe po nxjerr në dritë përmasat e dezinformatave rreth vaksinave kundër Covid-19.
Discussion about this post