Një ngjarje e rëndë ka ndodhur një ditë më parë në zonën Torre del Moro në Itali, ku tre pjesëtarë të një familjeje shqiptare kanë mbetur të asfiksuar.
Mediat italiane shkruajnë se tre shqiptarët që kanë mbetur të asfiksuar janë të moshave 50, 53 dhe 74 vjeç, njoftojnë mediat italiane.
Të tre shqiptarët u dërguan në gjendje të rëndë me helikopter drejt spitalit në Bufalini ku momentalisht ndodhen jashtë rrezikut për jetën.
Sipas hetimeve paraprake kaldaja duket se nuk ka funksionuar mirë gjë që ka bërë shkarkim të monoksidit të karbonit, ndërsa zjarrfikësit kanë konstatuar prani të konsiderueshme të gazit toksik në vendngjarje.
(M.Q/Faxweb)
