Prishet marrëveshja, në Aleppo ndërpriten evakuimet

Në Aleppo është pezulluar evakuimi i popullit.

Ky vendim është marrë nga qeveria siriane e cila akuzon kundërshtarët e saj se kanë shkelur termat e marrëveshjes së evakuimit.
Zhvendosja e civilëve dhe rebelëve në pjesën lindore të Aleppos është pezulluar që prej disa orësh.

Mediat ndërkombëtare raportojnë se pjesëtarët e misionit të evakuimit shkruajnë se në zonën ku ishin stacionuar autobusët e zhvendosjes së civilëve u dëgjuan shpërthime të fuqishme.

Në ditën e parë të evakuimit në pjesën lindore të qytetit u larguan nga Aleppo më shumë se 3 mijë njerëz, përfshirë fëmijë dhe 40 të plagosur.

Sipas Organizatës së Kombeve të Bashkuara më shumë se 50 mijë civilë vijojnë të mbeten ende të bllokuar në këtë qytet. 

Shtetet e Bashkuara kanë ngritur akuzua të ashpra dhe në mënyrë të drejtpërdrejtë për qeverinë e Damaskut.

Edhe pse Assad  vendimin për evakuimin e personave e quan moment historik, ai po kritikohet së shumti për mijëra njërëz që kanë humbur jetën e tyre në Siri.

“Ajo që regjimi i Assad po kryen nuk është asgjë më pak sesa një masakër. Dhe ne kemi qenë dëshmitarë të kësaj. Ato nuk kanë qenë incidente lufte , por sinqerisht të qëllimshme. Një politikë cinike për të terrorizuar cilvilët”, deklaroi John Kerry.

Ndërsa presidenti i zgjedhur Donald Trump përsëriti se ai do të krijojë zona të sigurta në Siri të cilat do të financohen pjesërisht nga shtetet arabe. 

Për kancelaren gjermane, Angela Merkel situate në Siri është  shumë të trishtë dhe tha se i vjen keq sesi diplomacia europiane dështoi për këtë situatë.