Partia Demokratike ka reaguar pasi Forcat e IMT-së, Policia Bashkiake dhe forcat “Shqiponja” vendosën që të nxirrinin me forcë familjen e Bajram Nelës nga shtëpia dhe me pas për ta prishur. Në një deklaratë për mediat PD thotë se banesa ishte e të afërmit të portit Havzi Nela që u dënua me varje nga regjimi komunist.
PD thotë se kjo të kujton jo vetëm firmën e Kristaq Ramës në atë varje, por flet edhe për marrëdhënien që Edi Rama do të vendosë sot me protestuesit.
“Nisja e prishjeve me forcë të shtëpive me familjen e Bajram Nelës, një i afërm i Havzi Nelës, poetit që u var në 1988 në sheshin qendror të Kukësit nga diktatura komuniste, të kujton jo vetëm firmën e Kristaq Ramës në atë varje, por flet edhe për marrëdhënien që Edi Rama do të vendosë sot me protestuesit. Për banorët e Unazës së Re, Laprakës, Shkozës dhe shumë zonave të tjera informale, prishja e banesës së Nelëve është një mesazh se me ta nuk do të ketë negociata, por do të flitet vetëm me gjuhën e forcës”, shkruan PD në një njoftim për mediat. (B.H/Faxweb)
