Të ftuar në studion e Fax Neës për të folur mbi prishtjen dhe ndërtimin e Teatrit të ri Kombëtar, ishin gazetari investigativ Artur Çani dhe regjisori Kastriot Çipi.
Regjisori Çipi u shpreh se e gjithë skema e prishjes dhe ndërtimit të teatrit është skemë e pastër korruptive pasi nuk ka asnjë studim fizibiliteti, asnjë projekt transparent.
Gazetari Artur Çani tha se duke qenë se është provuar edhe nga qendra tregtare Toptani, se ajo zonë sjell fitime të mëdha, atëherë do të bëjnë skemat PPP që të nxjerrin fitim maksimal.
“Kuptojeni që jeni udhëheqës së miliona shqiptarëve, e jo thjeshtë për të fituar ca para” – u bëri thirrje publike Çani, kryeministrit Rama dhe kryebashkiakut Veliaj.
Artur Çani sulmoi ashpër kryebashkiakun Erion Veliaj duke thënë se ai gënjen për eternitin dhe për faktin që godina është kancerogjene.
“Mos më ofendoni inteligjencën që thotë Veliaj, është idiotësi sepse e ka aq të ulët sa që nuk merr njeri mundësi ta ofendojë. Thotë është kanceroz. Kanceroze është mbulimi i sipërm I teatrti që është bërë nga Partia e Punës. Ndërsa veshja tjetër me tallash nuk është kanceroze por ka një akustikë shumë të mirë. Po nuk po flas për aspektin inxhinierik sepse formimi i tij inxhinierik është zero.” – tha Çani për Veliajn
Çani tha se duke mos patur më aktorë të mëdhenj si Sulejman Pitarka, Agim Qirjaqi, Violeta Manushi, etj, nuk ka më zëra të mëdhenj për të kundërshtuar këtë prishje, kur Rama dhe Veliajn, siç u shpreh ai, e ndiejnë veten të fortë,
“Sot janë shpallur kandidaturat për drejtor të Teatrit Kombëtar. Një nga ata është ai Çapaçuli. E di për ca është vënë ai drejtor? Për ta mbajtur që të shini ato fotot atje. Se kur ishte Kiço Londo nuk kishte ashtu fotosh sepse e mirëmbante.”- tha Çani për drejtorin aktual të Teatrit Kombëtar, referuar disa fotove të nxjerra nga Ministria e Kulturës ku sipas dy të ftuarve në studio, tregohen vetëm kënde me qëllim ilustimin e një godine gjoja të rënduar, sipas të Çipit dhe Çanit.
(E.L/Faxweb)
Discussion about this post