Një aksion i orëve të para të mëngjesit të sotëm në tregun e rrobave të përdorura tek spitali nr. 5, është shoqëruar me përplasje mes tregtarëve romë dhe Policisë Bashkiake.
Të revoltuar, tregtarët janë shprehur kundër prishjes së kësaj pike që siguron të ardhura për famijet e tyre. Njërës prej tregtareve i ka rënë edhe të fikët gjatë aksionit të policisë.
Lidhur me këtë situatë ka reaguar menjëherë Bashkia e Tiranës, e cila sqaron motivet e këtij aksioni si dhe tre pikat e tjera ku do të zhvendoset tregu i rrobave të përdorura.
Sqarohet se tre pikat ku do të zhvendoset tregu i rrobave të përdorura janë: Uzina Dinamo, tregu në Kodër Kamëz, dhe ish-Fonderia Mekanike.
