Detaje të reja kanë dalë nga bllokimi i një mjeti lundrues në në birgjet e Jonit në Jug të vendit ku një gomone e braktisur u kontrollua nga autoritetet vendase në bashkëpunim më Frontex, ku mësojhet se në bordin e saj kanë qenë 2 persona të cilët nuk janë identifikuar ende.
Policia lokale Vlorë vijon ende hetimin për përfshirjen e personave të tjerë të cilët dyshohet se mund të kenë ndihmuar dy personat të cilët janë pikasur në bordin e gomones, nga helikopteri që patrollon nga ajri i Frontex. Sakaq, autoritetet bëjnë me dije se një prej pilotëve në bordin e gomones të jetë i huajndërsa tjetri shqiptar.
Burime bëjnë me dije se gomonia dyshohet të jetë nisur nga brigjet greke, në Korfuz dhe dyshohet se ka pasur për qëllim imbarkimin e një sasie të konsiderueshme të kanabisit me qëllim trafikimin drejt brigjeve greke. Autoritet shqiptare mohojnë që gomonia të jetë e rregjistruar në vendin tonë, ndërsa po kryhen verifikime edhe me partneret Greke.
Kujtojmë se operacion i përbashkët mes Policisë së Shtetit, Frontex-it, GDF-së dhe rojës bregdetare, për gjurmimin dhe ndjekjen e dy mjeteve lundruese gomone që ishin nisur nga shteti grek, në drejtim të brigjeve shqiptare kanë konstatuar gomonen e dyshimtë.
Ditën e djeshme rreth orës 16:00, pas informacionit të marrë se dy mjete lundruese tip gomone ishin pikasur në Korfuz nga avioni i Forntex-it, duke lundruar drejt ujërave shqiptare, menjëherë janë vënë në lëvizje të gjitha shërbimet policore nga uji, toka, po ashtu edhe nga ajri.
Ky operacion ka vijuar nga shërbimet e Policisë Kufitare Vlorë, forcat e Drejtorisë Vendore të Policisë, Delta Forcë dhe Guardia di Finanza, roja bregdetare, si dhe nën koordinimin orientues të QNO Durrës, duke mbajtur kontakte edhe me avionin e Frontex-it që kryente ndjekjen nga ajri, me qëllim bllokimin e mjetit dhe kapjen e bordit që drejtonte gomonen.
Gjatë ndjekjes, një mjet lundrues është kthyer përsëri në ujërat greke, ndërsa mjeti tjetër lundrues tip gomone me 3 motorë të llojit “Yamaha”, në orët e para të mëngjesit të sotëm, duke përfituar nga kushtet atmosferike dhe errësira e natës është braktisur nga ekuipazhi, pranë vendit të quajtur “Plazhi i Vjetër” Vlorë.
Nga kontrolli i ushtruar në mjet nuk është gjetur asnjë send apo material i kundërligjshëm. Gjithashtu, nga të dhënat paraprake të avionit të Frontex-it që ka kryer ndjekjen nga ajri në bordet e gomoneve nuk janë konstatuar sende të tjera, përveç bidonëve me karburant.
(F.GJ/FAXWEB.AL)
