Kreu i Partisë Agrare Ambientaliste, Agron Duka, komentoi ngjarjet e fundit politike, ndërsa u ndal edhe te zgjedhjet lokale të 30 qershorit.
Ai nuk përjashtoi mundësinë për të garuar për Bashkinë e Durrësit, por tha se nëse vendos të garojë do të dalë si kandidat i vetëm dhe jo si përfaqësues i koalicionit me PD-në.
Sipas tij, dalja vetëm në garim, mund të jetë detyrim i grupit shoqëror, për të treguar forcën.
Kjo e bën garën për Bashkinë e Durrësit edhe më të fortë.
Duka tha në Provokacija:
Nuk më pëlqen faktikisht të dal si kandidat i përbashkët. Ndoshta nëse do të dal i vetëm është për t’u menduar se në fund të fundit mund të jetë detyrim i grupit shoqëror që të tregojmë dhe ne forcën tonë. Thonë që politika është e artit të së pamundurës. Unë edhe mund ta provoj vetëm, kurse në koalicion nuk e kam menduar ndonjëherë të dal. Por ne kemi caktuar grupe pune që po identifikojnë persona që mund të kandidojnë në disa bashki, të cilën do tentojmë të fitojmë.
(E.K/FAXWEB.AL)
