Procesi i Vettingut ka nisur të japë rezultatet e para. Kjo javë, ishte paralajmëruar se do ishte vendimtare në këtë proces.
Komisioni i Pavarur i Kualifikimit ka vendosur të shkarkojë nga detyra gjyqtarin Fatos Lulo.
Lulo është shkarkuar sipas nenit 62, të ligjit të Vettingut, pasi Lulo nuk justifikonte dot pasurinë.
“Vendimi i arsyetuar me shkrim i njoftohet subjektit të rivlerësimit, komisionerëve publikë dhe vëzhguesve ndërkombëtarë brenda 30 ditëve pas përfundimit të kësaj seance dhe subjekti ka te drejte ankimimi”,-ka thënë Genta Tafa, kryetarja e trupit gjykues.
Komisioni bën me dije se gjatë pezullimit, Lulo do përfitojë të drejtë page me 75%.
Lulo mund ta ankimojë vendimin.
Avokati i Lulos ka thënë se vendimi nuk është i duhuri, pasi sipas tij pasuria e Lulos është e justifikuar dhe e krijuar me burime të ligjshme.
(F.G/Faxweb.al)
