Futbollistit shqiptar, Valon Ahmedi, më në fund ka marrë një ftesë për të qenë pjesë e kombëtares shqiptare në dy ndeshje e ardhshme për eliminatoret e “Rusi 2018”. I lindur në Ohër por zemra i rreh për Shqipërinë.
22-vjeçari po kalon një formë të mirë tek Maribor dhe kjo ka bërë që të marrë dh ftesë nga trajneri I Kombëtares Panuçi.
Në një prononcim për “Supersport” Ahmedi nuk e ka fshehur lumturinë e tij për përfshirjen në listë nga trajneri Panuçi, duke deklaruar se pavarësisht presionit që pati nga Maqedonia, ai zgjodhi me zemër për të përfaqësuar kombin e tij. Në të kaluarë mesfushori ka qënë pjesë e Kombëtares shpresa ku hera e fundit që ai ka luajtur ishte viti 2014.
“Kam lindur në Ohër, por jam shqiptar dhe me shumë kënaqësi zgjodha Shqipërinë. Ishte dëshira ime, por sidomos e prindërve të mi që unë të luaj për Shqipërinë. Kam pasur presion nga Maqedonia, por e kam bërë zgjedhjen e time dhe për këtë ndihem shumë mirë. E kam nder që jam pjesë e kombëtares kuqezi dhe, nëse trajneri do të më japë minuta, do të bëj maksimumin. Kam zgjedhur me zemër”, tha ai.
(B.H/Shuplaka)
Discussion about this post