Pritja e fundvitit me personalitetet e artit, Nishani: Mirënjohje për ata që s’janë më!

Në pritjen e fundvitit me personalitetet e artit dhe kulturës, Presidenti Bujar Nishani i falenderoi të gjithë ata për kontributin e tyre për vendin.

Nishani shtoi se 2016-ta ishte një vit që na ndau me disa personalitete të artit, madje përmendi edhe emrat e tyre për të cilët kërkoi të mbahej edhe një minutë heshtje.

 “Vendosa të mbaj këtë mbrëmje, me pjesën më të formuar, me njerëzit e artit, shkencës dhe kulturës. Është një mbrëmje të cilën institucioni i katër që kam nderin të përfaqësoj, vendosi që ta dedikoj falënderimin dhe mirënjohjen e atyre njerëzve që çdo ditë kontribuojnë për atë që është vlera e një shoqërie; civilizimi. Meqenëse sonte jemi me njerëzit e artit dhe kulturës, në fund të një viti, pati ulje dhe ngritje, pati shumë sfida. Ishte një vit që na ndahu me njerëz, që s’do t’i kemi mes nesh fizikisht; Demir Hyska, Teodor Laçko, Kristo Frashri, Lazer Filipi, Alfred Huçi, Dhimitër Plasari, Zef Mirditës, Vilson Kulicën, Telat Agollin, Ergi Ndinin, Gjelosh Ndokajn, Naile Hoxhë dhe së fundmi Bujar Lakon. Ndaj më lejoni që sot t’ju ftoj për një minutë heshtje. I përjetshëm emri, kontributi i tyre.”, u shpreh kreu i shtetit.(D.D/Shuplaka)