Një mbledhje me dyer të mbyllura është zhvilluar ditën e sotme nga Ministrja e Drejtësisë, Etilda Gjonaj me disa punonjës të Shërbimit të Kontrollit të Brendshëm të Burgjeve.
Ndër çështjet kryesore të ngritura nga ministrja Gjonaj, që u trajtuan gjatë diskutimit të sotëm ishin ato të sigurisë në sistemin e burgje dhe në kryerjen e veprimtarisë nga ana e SHKBB-së për parandalimin dhe monitorimin e veprimtarisë në institucionet e ekzekutimit të vendimeve penale.
Në mbledhjen, e cila zhvillohet në kuadër të masave të shtuara te sigurisë së burgjeve pas të ngjarjeve të fundit është diskutuar edhe për regjimin e posaçëm që duhet ndjekur dhe masat që duhen marr nga punonjësit e Shërbimit të Kontrollit të Brendshëm në Burgje, për zbatimin e tij.
Kujtojmë se së fundi forcat e Policisë së Burgjeve por edhe ato të SHKBB-së kanë kapur të dënuar një sërë sendesh të ndaluara.
