Ka vdekur në moshën 49 vjeçare aktori Verne Troyer. Ai njihet më së shumti për rolin e tij si Mini-Me në serinë e filmave komedi “Austin Powers”, ku kishte luajtur përkrah Mike Meyers.
Troyer kishte vuajtur nga problemet me alkoolin për shumë vite dhe kishte qenë në rehabilitim disa herë.
Lajmin për vdekjen e tij e bëri të ditur familja e tij përmes një komunikate.
“Verne ishte një individ jashtëzakonisht i kujdesshëm. Ai donte t’i bënte të gjithë të buzëqeshnin, të ishin të lumtur dhe të qeshin. Çdokush në nevojë, këdo që ishte në nevojë ai do ndihmonte në çdo mënyrë që të ishte e mundur. Verne shpresonte që ai të bënte një ndryshim pozitiv me platformën që kishte dhe punonte për të përhapur atë mesazh çdo ditë”, thuhet në komunikatën e familhes.
Ai kishte lindur me një çrregullim gjenetik të njohur si “achondroplasia dëarfism” e që kishte bërë që të mbetej vetëm 81 centimetra i gjatë.
Ndërkaq fjalë për humbjen nga jeta të tij ka thënë dhe Mike Meyers i cili është shprehur se: Verne ishte profesionist i përkryer dhe një fener i pozitivitetit për ata prej nesh që kishin nderin të punonin me të. Është një ditë e trishtuar, por shpresoj se ai tani është në një vend më të mirë.
(E.K/FAXWEB.AL)
Discussion about this post