Probleme me tragetin e kompanisë Venturis Feries, pasagjerët qëndrojnë tre orë në det të hapur

Problemet me panelin e Kontrollit brenda në tragetin e linjës Durrës-Bari, ka bërë që ky i fundit të qëndrojë për rreth 3 orë në det te hapur. Bëhet fjalë për tragetin “Rigel I” të kompanisë Venturis Feries, i cili ishte nisur mbrëmë nga Bari në drejtim të Durrësit.

Avaria e pësuar ka bërë që pasagjerët të qendrojnë në det të hapur deri në riparimin e defektit, një pjesë e të cilëve e kanë denoncuar këtë situatë dhe në redaksinë e Fax News. Ngjarja ka shkaktuar panik te dhjetra qytetarë.

Sipas burimeve, bëhet fjalë për nxehje e sistemit te panelit të kontrollit (kështu quhet) dhe kanë pritur të ftohet që më pas te rinisë udhëtimi drejt portit të Durrësit.

Trageti ende nuk ka mbërritur në Durrës, pasi është rreth 3 orë vonë nga orari i parashikuar.

(E.K/FAXWEB.AL)