Banorët e rrugës “Fuat Toptani”, e cila ndodhet pranë Vilave Gjermane në Tiranë, prej dy ditësh janë në terr të plotë për shkak të problemeve me furnizimin me energji elektrike.
Në 48 orët e fundit energjia është ndërprerë disa herë, me frekuenca të gjata kohore, për shkak të një problemi teknik në transformatorin e OSHEE-së, i cili nxehej si pasojë e mospërballimit të ngarkesës.
Pas ankesave të banorëve, OSHEE ka dërguar ekipin e saj në terren dhe ka nisur punën për shtrimin e kabullit të ri elektrik si dhe vendosjen e një automati të ri për ndarjen e ngarkesës.
Banorët po presin që me ndërhyrjen e specialistëve të OSHEE-së ti rikthehen jetës normale.
Kjo zonë e kryeqytetit ka më shumë banesa private dhe rreth 4 pallate 8-katëshe.
