Problemet në Akademinë e Shkencave, Ergys Mërtiri: Duhet që kryeministri të lëshojë disa gazra që media të kujtohet

Akademia e Shkencave është vendosur në qendër të vëmendjes sot, për shkak të rizgjedhjes së kryetarit të ri, kërcënimit të kryeministrit Rama për prerje fondesh dhe realizimin e këtij kërcënimi.

Socialogu Ergys Mërtiri ka reaguar lidhur me këtë situatë, duke thënë që mediat kanë pritur të fliste kryeministri për të vënë re problemin në Akademinë tonë të Shkencave.

“Duhet qe kryeministri te leshoje disa gazra qe media te kujtohet te diskutoje mbi problemet e akademise se shkencave.”, reagon Mërtiri.

Sipas sociologut të njohur, edhe nga ana e Ramës nuk ka ndonjë veprim serioz për shkak se pot ë qe kështu, ai do të kishte paraqitur një raport kontret të dështimit të Akademisë së Shkencave. Mërtiri reagimin e sotëm të kryeministrit e cilëson vetëm një tallje nga ana e tij.

Me 1 kandidat të vetëm Gudar Beqiraj sot u zgjodh për herë të dytë kryetar i Akademisë së Shkencave. Akademikët që votuan nuk ishin përballë një zgjedhje pasi Beqiraj ishte kandidati i vetëm i kësaj gare. Pasi i kërcënoi akademikët fillimisht, kryeministri Rama vendosi t’u ndërpriste fondet.

KOMENTI I MËRTIRIT

Duhet qe kryeministri te leshoje disa gazra qe media te kujtohet te diskutoje mbi problemet e akademise se shkencave.

Ne fakt, Rama po i trajton akademiket njesoj si mediat: si lapanjgjose. Per te, kjo eshte akademia e kazanit, qe, njesoj si median, ai e ka ne dore dhe e tall si te doje. Fatkeqesisht ketu ka te drejte, sepse, sido qe te jete, akademiket tane nuk bejne dot pa te, te mesuar gjithmone ti sherbejne nje udheheqesi. Para pak kohesh, elita e historianeve shqiptar, u mbodh ne nje konference ku akademiket pohuan njezeri se Mehmet Shehu eshte burre shteti. Rama iu duket si nje Mehmet i ri. 

Vec, natyrisht asgje serioze nuk ka nga ana e qeverise ne kete mes, perndryshe Rama do te duhet te na kish paraqitur nje raport konkret te deshtimit te ketij institucioni, si dhe nje projekt mbi ringritjen e tij. 
Debati eshte thjesht nje fushe tjeter ne sportin e preferuar te kryeministrit, ate te talljes se te nenshtruarve, me apo pa atlete. (D.D/Shuplaka)