Avokati Kastriot Frashëri ka folur për problemet që ka sistemi në drejtësi në vendin tonë. Pikërisht sot kur është Dita Kombëtare e Drejtësisë, Frashëri ishte i ftuar në “Fax News” ku përmendi neglizhencën e institucioneve si një prej problemeve më të mëdha me të cilat përballen avokatët.
Sipas tij, kur kërkojnë mbrojtje për klientët e tyre, institucionet e administratës zgjedhin të heshtin.
“Ju jemi drejtuar dhe organeve të administratës publike që administrojnë drejtësinë, siç është zyra e bashkëqeverisjes apo Ministria e Drejtësisë në lidhje me problematikën që shfaqim ne sot gjatë ushtrimit të profesionit të avokatit pasi shumë institucione të adminsitratës së lartë të shtetit me të cilën përballemi për të realizuar një mbrojtje eficente të klientëve tanë, të janë të drejtat të drejtat themelore të qytetarëve tanë, këta heshtin. Dhe fakti që këta heshtin, neve nuk na japin informacion, nuk na kthejnë përgjigje, kjo e cënon rëndë funksionin e avokatit. Në këtë kontekst, edhe pse avokati e ka me ligj kur organet e administratës publike refuzojnë këtë përgjigje, mund ti drejtohet gjykatës për të kërkuar këtë të drejtë”, tha Frashëri.
I pyetur përse institucionet janë neglizhente, Frashëri tha:
“Përgjegjësia i përket kreut të qeverisë dhe Ministrisë së Drejtësisë që administrojnë organet e administratës publike. Fakti që nga punonjës të agjensisë shtetërore të kadastrës, nuk ka rëndësi por është reale, të ALUIZNIT, të organeve të tjera të administratës publike, por edhe nga koorportata e noterëve refuzohet të përmbushet kërkesat e avokatit për të marrë informacion.”(A.M/Faxweb.al)
